Матијашевиќ избра 20 одбојкари за Европската сребрена лига

Македонскиот селектор Никола Матијашевиќ денеска го објави списокот со 20 одбојкари, кои од понеделник во Струмица ги започнуваат подготовките за настапите во Европската сребрена лига на крајот од мај.

Македонските одбојкари се во групата А заедно со Данска и Израел и ќе бидат домаќини на првиот од двата турнири, од 21 до 23 мај во салата „Парк“ во Струмица. Вториот турнир ќе се одигра во данскиот град Шлагелсе од 28 до 30 идниот месец, по што Европската сребрена лига повторно се враќа во Струмица за разврската за медали, на 5 и 6 јуни.

Од формирањето на Европската лига во 2014 година, македонската одбојкарска, репрезентација освои три сребрени (2015, 2016 и 2017) и еден бронзен медал (2014).

Повикани репрезентативци:

Техничари: Ѓорѓи Ѓорѓиев, Филип Деспотовски, Ефтим Ричлиев

Коректори: Никола Ѓорѓиев, Стефан Алексов, Стојче Арсов, Иван Андонов (коректор / блокер)

Примачи: Владо Милев, Александар Љафтов, Стојан Илиев, Лука Костиќ

Блокери: Ристо Николов, Филип Маџунков, Славе Наков, Филип Савовски, Филип Лепидовски

Либера: Васе Михаилов, Дарко Ангеловски, Филип Николовски, Костадин Ричлиев

Резерви: Марко Јуниор Стошиќ и Давид Стојанов (техничари), Тино Шулајковски и Михајло Мирасчиев (блокери).