Јеремиќ: Има само еден дијалог за изборните услови во Србија – посредници да бидат од ЕУ

Претседателот на српската Народнаа партија, Вук Јеремиќ, изјави дека „има само еден дијалог” за изборните услови, а тоа е оној во кој претставниците на Европската унија ќе имаат посредничка улога и дека првиот круг разговори ќе се одржи на 6 мај, јави Бета.

„Народната партија се залагаше опозицијата да дејствува единствено во тој процес, претставена од двајца експерти преговарачи. За жал, не сите го прифатија тоа и затоа сме принудени да разговараме со Европејците одделно”, изјави Јеремиќ во интервју за Данас.

Јеремиќ наведе дека ќе биде дел од делегацијата предводена од Народната партија, која ќе разговара со претставниците на ЕУ на 6 мај, а во делегацијата ќе бидат и Ѓорѓе Вукадиновиќ, професорот Слободан Самарџиќ и Лидија Мартиновиќ од Движењето за слободна Србија.

Претседателот на Народната партија го нарече „фарсичен” неодамнешен состанок во парламентот за изборните услови, на кој присуствуваше и претседателот на Српската напредна партија и Србија, Александар Вучиќ.

„Каков вид разговор за подобрување на изборните услови можат веродостојно да водат претставници на 26 партии, од кои за нив 25 условите од ланскиуот јуни да учествуваат на овие избори”, праша Јеремиќ.

„Фарсичниот карактер на овој „паралелен дијалог“ најдобро го илустрира она што медиумите објавија дека Вучиќ рекол по тој повод – дека „ќе се обиде да влијае на сопствениците на приватни медиуми со национална фреквенција да бидат отворени за опозицијата, додека на РТС малку може да влијае”, изјави Јеремиќ.