САД подготвени да укинат некои санкции, Иран бара повеќе

САД на нуклеарните преговори во Виена изразија подготвеност да повлечат многу од своите санкции против Иран, но Техеран бара повеќе, изјави за државните медиуми иранскиот врховен преговарач Абас Аракчи.

– Податоците што ги добивме од американска страна покажуваат дека тие исто така се сериозни во врска со враќањето во нуклеарниот договор и досега изразија подготвеност да укинат голем дел од санкциите, рече Аракчи за државната иранска телевизија.

Сепак, како што додаде, тоа „не е адекватно“ од гледна точка на Иран и затоа разговорите ќе продолжат сè додека не бидат исполнети сите барања на земјата.