Псаки: САД не се откажуваат од Украина и обезбеден е резервен фонд во случај на влошување на безбедноста

Американската администрација подготви резервна помош за Киев во случај на влошување на состојбата на руско-украинската граница, истакна во писмената изјава портпаролката на Белата куќа Џен Псаки.

„Идејата дека ќе ја задржиме помошта за безбедност на Украина е апсурдна. Само минатата недела – пред самитот САД-Русија – обезбедивме пакет помош за безбедност од 150 милиони американски долари, вклучително и т.н. смртоносна помош. Обезбедивме целосен износ од Конгресот во рамките на иницијативата за помош на Украина во областа на безбедноста”, коментира таа.

„Подготвивме и резервен фонд во случај на понатамошна руска инвазија на Украина.

Псаки потсетува дека два дена пред средбата со рускиот претседател Владимир Путин во Женева, Џо Бајден на самитот на НАТО во Брисел изјави дека САД ќе продолжат да ја поддржуваат Украина. „Како што претседателот Бајден му кажа директно на претседателот Путин, ние непоколебливо ќе ги поддржуваме суверенитетот и територијалниот интегритет на Украина.