Протест во Тел Авив против новите ограничувања поради пандемијата

Неколку стотици Израелци протестираа во Тел Авив против новите ограничувања поврзани со пандемијата на коронавирус. Незадоволните луѓе носеа плакати со натпис „Нема пандемија” и слични пораки, насочени против имунизациите

Министерството за здравство на земјата вчера соопшти за над 2400 нови случаи, што е најмногу од март. Бројот на приеми во болница надминува 320, што е нов врв, во споредба со април.

Властите одобрија примена на трета доза вакцина против Ковид за лица над 60 години, носењето маски во затворени простории повторно стана задолжително, и повторно е воведена т.н. зелена карта за посета на јавни места како што се спортски сали или ресторани.

Од вчера, ќе можат да се вакцинираат и некои деца на возраст од 5 до 11 години кои се изложени на ризик да развијат компликации поради здравствени проблеми.

Зголемувањето на случаите е чекор наназад за Израел, кој беше една од водечките земји во светот по бројот на вакцинирани.