Пеле: Продолжувам да се смеам

Легендарниот бразилски фудбалер Пеле (80) соопшти денеска дека добро заздравува, ден откако повторно беше вратен на одделот за интензивна нега во болница во Сао Паоло по извршената операција за отстранување тумор од дебелото црево.

-Пријатели, сè уште многу добро заздравувам. Денеска ме посетија членовите на семејството и продолжувам секој ден да се смеам, напиша Пеле на Инстаграм од болничкиот кревет.

Загриженоста околу здравјето на трикратниот светски првак и еден од најдобрите фудбалери на сите времиња порасна, откако бразилските медиуми вчера објавија дека Пеле е вратен на одделот за интензивна нега,

Болницата „Алберт Ајнштајн“ поради тоа лиферуваше соопштение во кое се наведува дека станува збор само за „кратка респираторна нестабилност“ и оти префрлувањето на одделот за интензивна нега било само „превентивна мерка“.