Шахистките на „Алкалоид“ поразени на стартот на Европскиот куп

Со учество на осум екипи, од кои три македонски, во Струга започна 25. Европски клупски куп за шахистки.

Во воведното коло, „Алкалоид“ загуби од словенечки Тајфун со 2.5:1.5, додека Куманово го совлада МСК Центар со 2.5:1.5.

Дербито на првото коло донесе борбено реми 2:2 меѓу француски Монте Карло и ГРЕКО од Украина, што го искористија шахистките на Јужен Урал и со победа на германскиот тим СК Ерсте Банк Баден од 3:1 го презеде лидерското место.

На Европскиот куп во Струга настапуваат 13 шахистки со велемајсторска титула и 11 титула со интернационален мајстор, а одиграни ќе бидат седум кола според Бергеровиот систем.

Најголеми фаворити се Монте Карло со просечен рејтинг од 2513 бодови, Греко (2501) и рускиот тим Јужен Урал (2441).