Главниот специјален обвинител на Црна Гора го врати обезбедувањето, вели дека од денеска него го чува Господ

Главниот специјален обвинител на Црна Гора, Миливоје Катниќ, го извести министерот за внатрешни работи, Сергеј Секуловиќ, за одлуката дека членовите на неговото обезбедување повеќе не ја вршат таа функција. Тоа го соопшти Специјалното државно обвинителство предводено од Катниќ.

Катниќ одлучи да го врати обезбедувањето затоа што беше незадоволен од прашањата од полицијата испратени до неговиот шеф за безбедност во врска со неговиот престој во Цетиње за време на протестот на денот на устоличувањето на митрополитот црногорско-приморски на СПЦ, Јоаникие.

Во петокот, 17 септември, Катниќ на прес -конференцијата рече дека од понеделник, 20 сетптември него „Бог го чува“. Потоа рече дека на 4 и 5 септември бил во Цетиње со тројца специјални обвинители, полициска екипа и дека тие биле на должност во Цетиње ОДТ, бидејќи в.д. на Врховниот државен обвинител Дражен Буриќ ги определи дежурните службеници за тој настан. Тој, исто така, рече дека го враќа обезбедувањето за да бидат „малтретирани“ од полицијата.