Без проблеми започна гласањето во неколку општини од Тиквешијата
Без проблеми започна гласањето на локалните избори во неколку општини од Тиквешијата.
Ѓорѓи Крстевски, претседател на Општинска изборна комисија Росоман, информираше дека во избирачкиот список се регистрирани 3.341 лице со право на глас. Се гласа на десет избирачки места.
Благој Јовановски, претседател на комисијата во Демир Капија, соопшти дека вкупниот број на гласачи е 3.163, а отворени се 11 избирачки места.
Од кавадаречката и неготинската изборна комисија исто така потврдија дека гласањето почнало без проблеми.
