„Ворнер брос“ објави трејлер за новиот филм за Бетмен, во кој Роберт Патинсон по првпат го глуми суперхеројот. Студиото го објави видеото на својот интернет-простор.

Видеото дава дистописка, мрачна слика. Покрај Бетмен, во трејлерот се прикажани ликовите на Селина Кајл (Жената-мачка), Пингвинот и Енигма. Покрај Патинсон, во „Бетмен“ (2022) глумат и Зои Кравиц, Пол Дејно, Колин Фарел, Џефри Рајт, Џон Туртуро, Енди Серкис и други.

Филмот е во режија на Мет Ривс („Планета на мајмуните: Револуција“). Филмот ќе излезе на 3 март, наредната 2022 година.

Премиерата претходно беше закажана за октомври 2021 година, но снимањето беше прекинато поради коронавирусот.



Автор: Администратор
Објавено на: 18/10/2021 14:28