Јужноамериканските репрезентации одбиваат да играат на Светско првенство на секои две години

Фудбалската конфедерација на Јужна Америка (КОНМЕБОЛ) излезе со соопштение против идејата Светското првенство да се одржува на секои две години.

– Нема причина, предност или оправдување за промените предложени од ФИФА, се вели во соопштението на официјалната веб-страница на КОНМЕБОЛ.

Во таа насока, десет земји членки на КОНМЕБОЛ потврдуваат дека нема да учествуваат на Светското првенство кое би се организирало на секои две години.

– Алчноста на ФИФА може да го подели фудбалскиот свет Предметниот проект ѝ го сврте грбот на речиси 100-годишната традиција на светскиот фудбал, игнорирајќи ја историјата на еден од најважните спортски настани на планетата. КОНМЕБОЛ го поддржува тековното Светско првенство, со своите системи за тајминг и квалификации, бидејќи се покажа како успешен модел заснован на атлетска извонредност, талент и планирана работа, е ставот на КОНМЕБОЛ.

Организацијата е составена од репрезентациите на Аргентина, Бразил, Боливија, Венецуела, Колумбија, Парагвај, Перу, Уругвај, Чиле и Еквадор.

Претходно, ФИФА ги извести репрезентациите за плановите за одржување на Светското првенство на секои две години, почнувајќи од 2026 година.

Од 1930 година, турнирот се одржува на секои четири години, со исклучок на 1942 и 1946 година поради Втората светска војна. Претстојните турнири ќе се одржат во Катар (зима 2022), како и во Канада, Мексико и САД (лето 2026).