ЕУ годинава има извезено 1,2 милијарди вакцини во 150 земји

Од почетокот на годината, Европската унија извезла 1,2 милијарди дози вакцина против Ковид-19 во 150 земји, соопшти претседателката на Европската комисија Урсула фон дер Лајен.

– Во првите 10 месеци од 2021 година, Европската унија извезе 1,2 милијарди дози вакцина во 150 земји, рече Фон дер Лајен.

Претседателката на Европската Комисија, пред да замине за Рим каде ќе се одржи состанокот на 20-те најмоќни држави во светот, денеска одржа прес-конференција на која ги соопшти амбициите на ЕУ за овој состанок.