Србија поради новиот сој омикрон донесе дополнителни мерки за патниците од Африка
На седницата на Кризниот штаб на Србија, одлучено е годинашниот зимски распуст за учениците да почне на 31 декември и да трае до 24 јануари, како што беше претходно планирано, јави допсиникот на МИА од Белград.
-ЈА РАЗГЛЕДАВМЕ И ЗАЧЕСТЕНОСТА, РАСПРОСТРАНЕТОСТА И ПОТЕНЦИЈАЛНИТЕ ЕПИДЕМИОЛОШКИ КОМПЛИКАЦИИ КОГА СТАНУВА ЗБОР ЗА НОВИОТ ВИД НА КОРОНАВИРУС. ДОНЕСЕНА Е ОДЛУКА ЗА ПРИМЕНА НА ОДРЕДЕНИ МЕРКИ КОГА СТАНУВА ЗБОР ЗА ПАТНИЦИ ВО МЕЃУНАРОДНИОТ СООБРАЌАЈ, ИЗЈАВИ ДАРИЈА КИСИЌ ТЕПВАЧЕВИЌ ПО СЕДНИЦАТА НА КРИЗНИОТ ШТАБ.
Таа кажа дека мерките се однесуваат за патниците кои доаѓаат од Јужна Африка, Малави, Мозамбик, Боцвана, Лесото, Намибија и Зимбабве.
-СИТЕ ПАТНИЦИ КОИ ДОАЃААТ ОД ОВИЕ ЗЕМЈИ, ИАКО НЕМА ДИРЕКТНИ ЛЕТОВИ, НО И КОГА ЌЕ ДОЈДАТ ВО ТРАНЗИТ, ЌЕ ПОДЛЕЖАТ НА МЕРКИ НА АЕРОДРОМОТ – ПЦР ТЕСТ, ДОКОЛКУ СЕ НЕГАТИВНИ ТРЕБА ДА БИДАТ СТАВЕНИ ВО КАРАНТИН 14 ДЕНА НА МЕСТОТО НА ЖИВЕАЛИШТЕ ВО СРБИЈА, А ПО СЕДУМ ДЕНА ИМ СЕ ПРАВИ УШТЕ ЕДЕН ПЦР И ДОКОЛКУ СЕ ПОЗИТИВНИ ЌЕ БИДАТ ПРЕФРЛЕНИ ВО СООДВЕТНАТА КОВИД АМБУЛАНТА ИЛИ БОЛНИЦА, ИЗЈАВИ КИСИЌ ТЕПАВЧЕВИЌ.
„Тоа се сите мерки што се донесени денеска, клучниот апел за граѓаните е да се вакцинираат“, порача Кисиќ Тепавчевиќ, додавајќи дека денеска повеќе од 57 отсто од полнолетните граѓани се вакцинирани со првата доза, со втората 54 отсто и третина граѓани примиле три дози
