На уставниот судија Јован Јосифовски денеска му завршува деветгодишниот мандат, информира Уставниот суд.

Тој е избран за судија на Уставниот суд на 24 декември 2012 година, а неговиот работен однос почна на 14 јануари 2013 година. Судијата Јосифовски даде придонес со своето активно учество во работата на Судот и во изминатите девет години му беа доделени 228 предмети, соопшти Уставниот суд.

Со завршувањето на мандатот на Јосифовски, Уставниот суд останува да функционира со пет судии, од вкупно девет предвидени со Уставот.



Автор: Администратор
Објавено на: 14/01/2022 15:23