Трајче Серафимовски (29) денеска го фати Светиот крст во осветените води на базенот „Аквариус“ во Струмица.
Во водата скокнаа 15 граѓани, а најбрз беше Серафимовски.
– Втор пат скокам по крстот и успеав да го фатам. Посакувам здравје и среќа на сите, рече Серафимовски.
Тој од Општина Струмица доби Плакета-православен крст и подароци од спонзорите.
Со свечена Богојавленска литургија, празникот Водици беше одбележан во сите храмови на Струмичката епархија.