ЗОИ: Ројселан најбрза во спринтот на 7.5 километри

Норвежанката Марте Ројселан го освои денеска златниот медал во спринтот на 7.5 километри во биатлон на Зимските олимписки игри (ЗОИ) во Пекинг.

Ројселан, која е водечка во Светскиот куп, триумфираше со време од 20:44, 3 минути.

Ова е трето одличје на Игрите во Пекинг за Ројселан, која претходно освои златен и бронзен медал.

Сребрениот медал го освои Швеѓанката Елвира Оберг, која зад победничката заостана 30.9 секунди, додека бронзата и припадна на Доротеа Вирер од Италија (+37.2 секунди).