Универзитет во Австралија ги стави „сопруга“ и „сопруг“ на листа навредливи поими

Универзитетот Флиндерс во Аделаида, Јужна Австралија, по критика од трансродов студент, го означи поимот „транссексуална состојба“ за навредлив бидејќи, според наводите – „погрешно ги претставува родот и полот“. Сепак, по проверките, многумина беа изненадени што и зборовите „сопруг“ и „сопруга“ (husband и wife) се на истиот список.

Ова е топ-тема и во предизборјето во Австралија. Џејн Русо од здружението „Трансенд“ (Transcend), коешто им помага на трансродовите лица во Австралија, смета дека тој список зборови е застарен.

– Ние го надминавме тој вид јазик. Што се однесува до „сопруг“ и „сопруга“, користењето на тие зборови се сведува на личен избор, изјави Русо.

А, кандидатката на Австралиската либерална партија, Кетрин Дивс е „на тапет“ поради нејзината наводна клучна улога во исклучувањето на трансродовите жени од женскиот спорт во Австралија.