Пејачот на „Грин деј“ соопшти дека се откажува од државјанството на САД

Пејачот на панк-групата „Грин деј“, Били Џо Армстронг, пред посетителите на концертот во Лондон соопшти дека наводно се откажува од своето американско државјанство, во знак на протест поради поништувањето на укинувањето на правото на абортус од страна на Врховниот суд на САД.

Настапувајќи во британската престолнина во петокот вечерта, само неколку часа откако мнозинството судии во неговата земја пресудија дека абортусот повеќе не е заштитен како човеково право, 50-годишната рок-ѕвезда остро ја критикуваше судската одлука и својата земја.

– Кој ја е** Америка! Се откажувам од државјанството (на САД). Ќе дојдам овде!, рече панкерот роден во Калифорнија. – Има премногу глупости во светот за да се вратиме во „тој мизерен изговор на држава“. О, не се шегувам. Ќе добиете многу од мене наредниве денови!, продолжи Армстронг, кој во еден миг при настапот го имаше „Јунион Џек“ (британското државно знаме) над и околу себе.

Армстронг, исто така, ја искористил оваа пригода, па извикал „на Врховниот суд на Америка“ при изведбата на хитот од 2004 година – „Американски идиот“, кој секако е политички насочена песна. Панк-бендот редовно ги критикува државните политики на САД.