Милошоски го пријави Азири во полиција, тој го избриша фејсбук статусот

Пратеникот Антонио Милошоски во полициската станица Центар во Скопје, пред надлежен началник го пријавува функционерот на ДУИ Вaлмир Азири, државен секретар во Министерството за култура, за синоќа искажаните закани со физичко насилство кон Милошоски, кои воедно се и говор на омраза, пишува МКД. мк. Азири синоќа преку Фејсбук повика на физичко насилство против Милошоски, со нанесување на телесни повреди.

Според порталот, кривичното дело може да се дефинира според член 394 – г, од Кривичниот законик.

Инаку, Азири го избришал својот пост, но to е веќе пренесен од многу медиуми, а воедно, МВР може со офiцијално барање упатено до Фејсбук (Мета) преку ајпи адреса да го добие постот како материјален доказ.

Aзири од својот Фејсбук како реакција на вчерашниот инцидент во Собранието на Македонија, кога претседателот на Комисијата за европски прашања Арбер Адеми кон опозицијата фрлаше предмети, порача: „Антиалбанец како Антонио Милошоски заслужува повеќе. Помина времето на продавачите на магла. Новите генерации Албанци ќе им ги скршат рацете и нозете на сите што ќе се обидат да ги омаловажат Албанците“.