Џенифер Лопез наполни 53 години и го претстави новиот балсам за тело

Џенифер Лопез вчера наполни 53 години, а во чест на својот роденден и заради претставување на новиот деловен потфат, дизајнерката-глумица реши да позира гола.

Џенифер Лопез на Инстаграм објави видео во коешто го претставува новиот производ на брендот „Џеј-Ло бјути“ – балсам за тело, поточно за нега на задникот.

– Ние ја посветуваме целата грижа и внимание на кожата на лицето, но понекогаш го занемаруваме телото. Ми беше важно да создадам рутина за нега на кожата за телото, т.е. неговите специфични и уникатни потреби, а почнавме со задникот…, појасни Лопез.

Таа деновиве престојува во Париз со својот сопруг Бен Афлек, каде што го минуваат медениот месец по нивната, за обожавателите – изненадна венчавка во Лас Вегас. Тие се свршија и пред 18 години, но таа 2004 година раскинаа само неколку недели пред свадбата. Тие повторно стапија во врска лани.