Шпанецот Корберан нов тренер на Олимпијакос

Грчкиот прволигаш Олимпијакос објави денеска дека Шпанецот Карлос Корберан е нов тренер на местото на Португалецот Педро Мартинс.

Корберан изминатите две сезони беше тренер на англискиот второлигаш Хадерсфилд, а претходно му беше помошник на Аргентинецот Марсело Биелса во Лидс.

По освојувањето три шампионски титули и еден трофеј во грчкиот Куп, Мартинс неодамна го продолжи договорот со Олимпијакос на две години. Но, беше сменет по минатонеделниот понижувачки пораз од 0-4 од Макаби Хаифа во квалификациите во Лигата на шампиони.

Олимпијакос е рекордер во Грција со освоени 48 шампионски и 28 куп титули.