Украина тврди дека руски сили оштетиле нуклеарна централа, но нема истекување радијација

Украинската нуклеарна агенција соопшти дека руски проектили оштетиле дел од големата нуклеарна централа што сега е под руска контрола, но дека нема истекување радијација.

Во соопштение се наведува дека еден блок и високонапонскиот далновод се оштетени во нуклеарната централа во Запорожје, најголемата во Европа, лоцирана на југот на Украина, јави Би-Би-Си. Локалните претставници назначени од Русија ја обвинија Украина за гранатирањето.

Украина, исто така, ги обвинува руските сили дека истрелуваат ракети врз цивилни области од локацијата.