Ако името „Цар Борис Трети“ е проблем, тогаш името на скопската гимназија „Јосип Броз - Тито“ е уште поголем проблем, вели Милков

Во однос на бугарскиот клуб „Цар Борис трети“ што треба да се отвори во Охрид, Mинистерот за надворешни работи во службената влада во Софија, Николај Милков порача дека е „добро е да се одмеруваат реакциите, добро е да се биде ладнокрвен, да се размислува пред да се зборува и да се решаваат работите прагматично во тоа што го обезбедува договорот за добрососедство“.

Според Милков, ако името цар Борис трети е проблем, тогаш гимназијата во Скопје што го носи името на Јосип Броз Тито е многу поголем проблем.