Норвешка стигна до деветто европско злато на женските ракометни првенства

Репрезентацијата на Норвешка го освои првото место на 15. Европско првенство за ракометарките.

Норвежанките вчеравечер во Љубљана ја победија Данска со 27:25, иако во финалето данските ракометарки беа во водство до 45 минута.

Данска која на полувреме водеше со 15:12 остана на три злата.

Со триумфот на Еуро 2022 Норвешка си обезбеди место на Олимписките игри во 2024 година.

Во предигра на големото финале, Црна Гора ја победи Франција со истиот резултат 27:25, по продолженија.