Скопјанец пријавил дека му биле украдени пари од стан, истрагата утврдила дека неговиот брат ја извршил кражбата

МВР информира дека денеска, од страна на инспектори од ЕВР-ОКР Кисела Вода, расчистено е кривично дело „кражба", казниво по член 235 од Кривичниот законик.

-Кривичното дело било извршено во временскиот период од 28 јануари 2022 година до 4 февруари 2023 година во стан на подрачјето на Кисела Вода, сопственост на В.Ц., каде престојувал нејзиниот 31-годишен син, од каде бил одземен поголем износ на пари, соопштуваат од полицијата.

По преземени мерки и активности од страна на полициски службеници, било констатирано дека сторител на кривичното дело е А.Ц.(23), брат на оштетениот, кој при извршен службен разговор во целост го признал начинот, мотивот и временскиот период на извршување на кривичното дело.

-Во координација со Јавен обвинител, по документирање на случајот против лицето ќе биде поднесена кривична пријава, соопштуваат од МВР.