Голманот на Малатијаспор пронајден починат под урнатините од земјотресот во Турција

Турција ја погоди катастрофален земјотрес од 7,7 степени во кој загинаа преку 3.000 луѓе, а повеќе од 15.000 се повредени. Веќе е пријавена и првата жртва од спортскиот свет, тоа е голманот Ахмет Ејуп Туркаслан.

28-годишниот Туркаслан беше дел од тимот на Јени Малатијаспор и се најде во една од зградите која се урнаа во земјотресот. Неговата сопруга била спасена од спасувачите, а по неколкучасовна потрага, тие го пронашле телото на Туркаслан.

Исто, се трага и по поранешна ѕвезда во Премиер лигата. Како исчезнат се води Кристијан Атсу, 31-годишникот кој беше дел од Хатајаспор, а претходно играше за Њукасл Јунајтед, Евертон, Челзи…

Се трага и по повеќе функционери од клубовите од Турција, а фудбалот во моментов е во прекин.