Британскиот премиер Риши Сунак денеска ја реконструираше Владата и воведе четири нови министерства.

Сунак го формираше Министерството за енергетска безбедност, потоа Министерството за наука, иновации и технологија, раздвојувајќи го големото министерство, за тоа да му помогне, како што рече, да ги постигне своите планови за преполовување на инфлацијата и обезбедување економски раст.

Сунак го назначи Грант Шапс за нов министер за енергетска безбедност, а Кеми Баденоч за министер за бизнис и трговија.

Мишел Донелан е новиот министер за наука, иновации и технологија, додека Луси Фрејзер е министер за култура, медиуми и спорт.

Сунак го назначи Грег Хендс за нов претседател на Конзервативната партија, откако го собори Надим Захави од функцијата, бидејќи со резултатите од истрагата е утврдено дека задоцнил со пријавување данок во вредност од 4,8 милиони фунти.



Автор: Администратор
Објавено на: 07/02/2023 13:11