Купила стара јакна, а внатре - дневник на една несреќна љубов
Тиктокерката Маја Зомер сподели лична приказна за необично откритие во кожна јакна купена во продавница за стари, користени, но добро сочувани производи. (Погледни видео)
- Сè уште не можам да верувам што имам во моите раце. Оваа кожна јакна ја најдов во продавница за употребени работи. Совршено ми одговараше, па ја купив и си ја однесов дома, вели таа.
Дома ја прегледала јакната и џебовите биле полни со дребнулии, меѓу кои и мал, стар бележник - дневник на една несреќна љубов.
- На првата страница од овој мал дневник пишуваше: „Четврток, 11 ноември 1971 година“... Мојот сон е да ја знам историјата зад облеката. Тоа е како временска капсула од 1971 година и со секакви потресни записи во дневников од претходниот сопственик, продолжи наоѓачката.
„Помина една недела, а Дајан не ми се јавила, ниту ми прати СМС“, вели непознатиот маж, а во следниот запис вели: „Денеска ќе беше нашата деветта годишнина и 10 години заедно. Сам се опијанив“.
Маја во претходните записи открива и подробности од последните заеднички денови на двојката.
„Дајан и јас водевме љубов утрово. Ја однесов на појадок, а потоа на работа. Не знаев дека тоа ќе биде последниот пат што ќе ја видам“, пишува несреќното момче.
Во еден џеб Маја пронашла и три сребрени долари од 1921 година, а во другите - шише канадско виски од 1966 година, календар со пораки и други лични работи.
„Се надевам дека никогаш нема да ја завршам оваа книга. Можеби Дајан ќе се врати пред да ја завршам“, вели момчето во еден од дневничките записи.
Видеото е прегледано 4,6 милиони пати.
