Банкомат во Бутел кренат во воздух со експлозивна направа, ама крадците не успеале да ги земат парите

Експлозивна направа поставена на банкомат во Бутел утрово е детонирана при што оштетени се три возила.

Од МВР за МИА информираат дека утрово во 3:38 часот во СВР Скопје е пријавено дека на подрачје на Бутел четири лица кои дошле со возило, поставиле експлозивна направа на банкомат и се обиделе да одземат пари, но не успеале.

-Од детонацијата се оштетени три возила. Нема повредени лица. Во тек е увид од полициски службеници и се преземаат мерки за расчистување на случајот, соопшти полицијата.