Мурињо ги пофали играчите на Рома за настапот против Сасуоло

Тренерот на Рома, Жозе Мурињо е задоволен од победата над Сасуоло (2:1) во натпреварот од 14. коло на Италијанското фудбалско првенство.

- Тие ми веруваа. Оваа победа е многу важна, макотрпна и заслужена. И кога губевме со 1:0, мојот тим и понатаму беше најдобар на теренот. Затоа сум среќен за играчите и за сите наши навивачи, изјави Мурињо за клупската веб-страницата.

По 14 кола Рома е на 4. место во Серија А со 24 бода, 11 помалку од лидерот Интер.