Реал еден месец без повредениот Карвахал
– Шпанскиот фудбалски репрезентативец Дани Карвахал го повреди изминатиот викенд листот на левата нога и ќе биде надвор од теренот околу еден месец, јави денеска шпанската државна телевизија ТВЕ.
Десниот бек на Реал Мадрид го напушти теренот на полувремето од саботниот дуел против Гранада и беше заменет со Лукас Васкез.
„Дијагностицирана му е повреда на мускулот на листот на левата нога“, соопшти Реал.
Клубот не прецизираше колку долго ќе трае рехабилитацијата на Карвахал. ТВЕ објави дека закрепнувањето на дефанзивецот би можело да потрае еден месец и Карвахал би можел да му се приклучи на тимот во јануари.
