Ограбен домот на фудбалерот Грилиш

Додека фудбалерот на Манчестер сити, Џек Грилиш го играше натпреварот против Евертон во средата во Ливерпул, непознати лица упаднале во негов дом и украле вредни предмети, јавија денеска британските медиуми.

Полицијата, како што наведе Би-Би-Си, била повикана во вечерта околу 21:50 часот, а потрагата по крадците сè уште трае.

Весникот Сан објави дека од домот на англискиот репрезентативец Грилиш биле украдени часовници и накит во вредност од околу еден милион фунти.

Грилиш го одигра целиот натпревар во средата во Ливерпул на кој Манчестер сити го совлада Евертон со 3-1.