Халанд би можел да се приклучи на Барселона по завршувањето на сезоната

Напаѓачот на Манчестер сити, Ерлин Халанд може да го напушти тимот на крајот на сезоната и кариерата да ја продолжи во шпанското првенство, пренесува новинарот Франсоа Гаљардо.

Според добриот познавач на шпанскиот фудбал, 23-годишниот Халанд ќе стане играч на Барселона, а Каталонците за трансферот на Норвежанецот ќе платат 100 милиони евра. Самиот напаѓач одамна се согласи да се пресели во Барса.

Се пишуваше дека Халанд би можел да го напушти Манчестер сити за сума од околу 100 милиони евра. Опцијата за ослободување во договорот на Норвежанецот е 200 милиони евра, но тоа важи само за клубовите од Премиер лигата.

Халанд оваа сезона одигра 22 натпревари за Манчестер сити, постигна 19 голови и пет асистенции.

Порталот Трансфермаркт ја проценува вредноста на напаѓачот на 180 милиони евра.