Тухел пред натпреварот со Унион: По тренингот ќе одлучам дали ќе има драстични промени во тимот

Тренерот на Баерн Минхен, Томас Тухел, зборуваше за состојбата на тимот пред натпреварот со Унион Берлин во одложеното 13. коло од Бундеслигата.

-Секогаш треба да победуваме. Дали играчите ќе добијат уште една шанса или време е за драстични промени? Ќе го проследам тренингот и ќе донесам одлука пред натпреварот, изјави Тухел за клупскиот сајт на Баварците.

Натпреварот ќе се игра вечер од 20:30 часот на „Алијанц Арена“ во Минхен.

Баерн кој е актуелен германски шампион е втор во Бундеслигата со 41 бод. Лидер е Баер Леверкузен со 48 бодови.