Пелегрино нов тренер на Кадиз

Шпанскиот фудбалски прволигаш Кадиз денес го назначи Маурицио Пелегрино за шеф на стручниот штаб. Договорот со 52-годишниот Аргентинец е до крајот на тековната сезона.

Последната работа на Пелегрино беше во Универзидад де Чиле. Пред тоа ги предводеше Велез, Леганес, Саутемптон, Алавес, Индепендиенте, Естудијантес и Валенсија.

Пелегрино беше асистент и на Рафаел Бенитез во Ливерпул и Интер.

На 20 јануари Кадиз објави за оставка од главниот тренер на тимот Серхио Гонзалес. Тимот се наоѓа на 18. место во поредокот во Ла Лига со 15 бодови од 21 натпревар.