Чеферин за пријателскиот натпревар Русија – Србија: Само Англичаните негодуваат

Претседателот на Европската фудбалска федерација (УЕФА), Александар Чеферин, не гледа ништо спорно во најавениот пријателски натпревар меѓу Русија и Србија во контекст на меѓународните санкции под кои е рускиот фудбал.

Чеферин во опширно интервју за лондонски Гардијан рече дека никој друг освен Англија не го проблематизира овој натпревар.

„Тоа не е под наша јурисдикција. Србија може да игра и против нас во оваа просторија. Зошто тоа воопшто е толкав проблем? Зошто играњето фудбал би било проблем? Никому не му е грижа за тој натпревар, доколку вие Англичаните не зборувате за тоа, никој друг не би знаел дека се игра. Ние во Словенија воопшто ѝ не знаеме дека тој натпревар е закажан, бидејќи луѓето не се интересираат за работите кои англиската политика, но и мејнстрим медиумите, многупати ги истакнуваат. Луѓето знаат дека Русија е суспендирана и тоа е тоа. Сега ќе играат пријателски натпревар – па што ако играат“, истакна Чеферин.

Пријателскиот натпревар меѓу Русија и Србија е закажан за 21 март на стадионот „Лав Јашин“ во Москва.

Српската страна го договори гостувањето во Русија, откако за тоа доби „зелено светло“ од УЕФА и од Светската фудбалска асоцијација (ФИФА).