Во близина на грчкиот остров Гавдос спасени 112 мигранти

Во морскиот дел на 40 наутички милји јужно од грчкиот остров Гавдос вчера биле спасени 112 мигранти и со помош на товарен брод сите безбедно биле пренесени на Крит, јави дописничката на МИА од Атина.

Ден претходно, исто така во близина на Гавдос биле спасени 25 мигранти, од кои двајца се уапсени под сомнение дека се криумчари.

Гавдос е најјужниот грчки остров и се наоѓа јужно од Крит.