Собранието едногласно ја изгласа оставката на Николај Денков, претстојат преговорите за кабинет на чело со Марија Габриел

Собранието едногласно ја изгласа оставката на Николај Денков со 216 гласа „за“. Претстојат преговори за кабинет на чело со Марија Габриел.

-Се очекува тие да започнат најрано во петок, на 8 март, кога ќе биде комплетиран преговарачкиот тим од страната на ГЕРБ-СДС, најави Теменузка Петкова, која исто така е дел од преговарачкиот тим назначен вчера од лидерот на ГЕРБ, Бојко Борисов.

Таа потсети дека денеска и утре на партискиот конгрес учествуваат Борисов и Габриел, која е потпретседателка на Европската народна партија. Петкова коментира дека во заднината на овие одамна објавувани заложби, оваа избрзана акција на нејзините колеги од „Продолжување на промените“ и „Демократска Бугарија“ сега да си дадат оставка и да гласаат за неа и веднаш „покренува одредени сомнежи“. Според неа, не е јасно која е целта на овие избрзани акции и дали ПП-ДБ всушност со нив не покажала дека можеби не сакале да водат преговори, туку сакале да ја турнат државата кон избори.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

Лидерот на ГЕРБ Бојко Борисов вчера го собра партискиот имот на Национална конференција на која побара мандат од делегатите да го презентираат нацрт-договорот за коалициска влада до крајот на мандатот на 49. Народно собрание. Борисов ги посочи и дамите кои ќе учествуваат во преговарачкиот тим - на чело на преговарачите е вицепремиерката Марија Габриел, останатите се Теменужка Петкова, Деница Сачева и Раја Назарјан.

Од „Продолжување на промените - Демократска Бугарија“ го објавија својот преговарачки тим во кој учествуваат лидерите на формациите во коалицијата. Во својот став, дистрибуиран до медиумите, ПП-ДБ наведува дека стабилноста на државата и нејзиниот одржлив развој на подолг период се врвен приоритет.

Ситуацијата во моментот ја оценуваме како особено важна за иднината на земјата и затоа ги повикуваме колегите од ГЕРБ да ги започнат преговорите штом Марија Габриел се врати во земјата, се наведува во ставот.

Набргу по луферувањето на ставот, следуваше одлука на пратеничката група да се достави предлог-одлука на гласање за оставка на премиерот Николај Денков. Тој денеска во своето излагање истакна дека оставката е исполнување на декларацијата потпишана со ГЕРБ-СДС за заедничко владеење од 2023 година.

Тој извести за успешен мандат и ги истакна достигнувањата на владата во изминатите девет месеци.

Веднаш по излагањето пред пратениците, Денков ја напушти собраниската седница за да учествува на редовната седница на Советот на министри. По изгласаната оставка според одредбите од Уставот, владата ги прекина овластувањата, но ќе продолжи да ги исполнува преземените обврски до избор на нов.