Гром удрил во авионот во кој беа македонските одбојкари, пилотот одлучил принудно да слета

Враќањето на македонските одбојкари кои учествуваа на турнир од Европската златна лига во Белгија е пролонгирано за еден ден бидејќи гром удрил во авионот за време на летот од Цирих за Скопје по што пилотот решил да се врати назад во Цирих.

Одбојкарите се очекува утре наутро со нов лет да се вратат за Скопје.

Случката ја потврдил капитенот на македонската сениорска одбојкарска репрезентација Никола Ѓоргиев за „Екипа“ кој изјавил дека додека летале со авионот удрил гром по што пилотот решил да се врати во Цирих.