Хурцелер стана најмладиот менаџер на месецот во историјата на Премиер лигата

Фабијан Хурцелер ја освои наградата за менаџер на месецот во Премиер лигата на самиот почеток на кариерата во Англија. 31-годишниот Германец го предводеше Брајтон до две победи и едно реми во првите три натпревари на „галебите“ против Евертон, Манчестер Јунајтед и Арсенал.

Со тоа, Хурцелер стана најмладиот добитник на наградата во историјата на Премиер лигата.

Германецот, кој победи во конкуренција на Микел Артета, Пеп Гвардиола и Арне Слот, по добивањето на наградата изјави дека секогаш е убаво да се освои овој трофеј бидејќи е потврда за работата која ја врши.

-Не само мојата работа, туку работата на целиот клуб, членовите на мојот штаб и играчите. Оваа награда се заработува заедно. Сега треба да ја освоиме следната, изјави Хурцелер