Хрватот Јуриќ ќе седне на клупата на Рома
Хрватскиот стратег Иван Јуриќ ќе биде назначен за нов тренер на Рома, на местото на Даниеле Де Роси, објави денеска новинарот Фабрицио Романо.
Според истиот извор, раководството на италијанскиот прволигаш и 49-годишниот Јуриќ ги договориле сите детали околу соработката.
Јуриќ од јули 2021 до јуни 2024 година беше тренер на Торино.
Рома има очаен старт во Серија А со само три бодови од воведните четири кола што резултираше со отказ за Де Роси, кој беше на чело на римскиот клуб од јануари оваа година.
