Повеќе од 140 луѓе во Србија секој ден умираат од срцеви заболувања

Фармацевтската компанија Teva/Actavis денеска истакна дека болестите на срцето и крвните садови и понатаму се еден од водечките причини за смртност во Србија, каде во просек, дневно од овие болести умираат повеќе од 140 граѓани.

Во соопштението од компанијата се наведува дека податоците од Институтот за јавно здравје „Батут“ предупредуваат дека и понатаму постои недоволна грижа на граѓаните за сопственото здравје, бидејќи годишно во Србија повеќе од 50.000 луѓе умираат од срцеви заболувања, што ја сместува земјата во групата со висок ризик за кардиоваскуларни болести.

Оваа година, Светскиот ден на срцето, кој се одбележува на 29 септември, ќе се одвива под слоганот „Со срце за акција“ со фокус на глобалната иницијатива за приоритизација на превенцијата, раното откривање и лекувањето на кардиоваскуларните болести.

Во моментов, повеќе од 49 милиони луѓе во Европа страдаат од кардиоваскуларни заболувања, а секоја година се поставуваат уште 11 милиони нови дијагнози.