Во Салвадор ќе му се суди на поранешниот претседател Кристијани за убиство на шестмина језуити во 1989 година

Судот во Ел Салвадор одлучи да им суди на поранешен претседател и пензионирани воени лица за нивната наводна улога во убиството на шест језуитски свештеници и две жени за време на граѓанската војна во земјата пред 35 години.

Поранешниот претседател Алфредо Кристијани, поранешен конгресмен и девет пензионирани воени функционери се обвинети за убиство и терористички акти против свештениците и двете нивни соработнички.

Во моментов не се знае каде се наоѓа Кристијани.

Меѓу обвинетите се поранешниот конгресмен Родолфо Паркер и пензионираните воени функционери Оскар Леон и Мануел Ривас, кои исто така се обвинети за процедурална измама и прикривање.

-Сега одиме на судење и во оваа фаза сакаме да докажеме дека навистина немаме никаква врска со ова, им рече на новинарите полковникот Оскар Леон откако дозна за одлуката.

Во ноември 1989 година, командоси упаднаа во кампусот на Језуитскиот универзитет во Централна Америка (UCA), убивајќи го неговиот ректор, шпанскиот свештеник Игнасио Елакурија и петмина негови колеги Језуити, како и две жени.

Граѓанската војна помеѓу владата на Салвадор и левичарската герилска Национална ослободителна фронт Фарабундо Марти траеше од 1980 до 1992 година и резултираше со приближно 75.000 смртни случаи и 8.000 исчезнати.