Јувал Рафаел, којa го преживеа масакрот изведен од Хамас, ќе го претставува Израел на Евровизија

Израелската пејачка Јувал Рафаел, која го преживеа нападот на Хамас на Музичкиот фестивал „Нова“, ќе го претставува Израел на „Евровизија“ 2025 година, објави денеска „Тајмс оф Израел“.

Младата поп-изведувачка победи на националниот „Евросонг“ натпревар, откако освои најмногу гласови од жирито и од јавноста.

Песната, со којашто Рафаел во мај ќе го претставува Израел во Швајцарија, се очекува да биде избрана следниот месец, од комисија на јавниот сервис „Кан“.