Рамапоса: Односите со САД се важни, но одлуката за амбасадорот е за жалење

Јужноафриканскиот претседател Сирил Рамапоса изрази жалење за одлуката на САД да го протераат јужноафриканскиот амбасадор Ебрахим Расул, оценувајќи ја како „достојна за жалење“ и повика на воздржаност во дипломатските односи, пренесе ДПА.

„Јужноафриканската Република останува посветена на градење взаемно корисни односи со САД“, се наведува во соопштението на Рамапоса.

Американскиот државен секретар Марко Рубио вчера објави на социјалната мрежа Икс дека Расул е прогласен за „персона нон грата“ и дека повеќе не е добредојден во САД. Одлуката следува по обвинувањата дека јужноафриканскиот дипломат „поттикнува расизам на меѓународно ниво“, поради негови изјави во кои го критикувал претседателот Доналд Трамп.

Односите меѓу Вашингтон и Преторија се веќе затегнати, особено откако Трамп во февруари замрзна финансиска помош за Јужна Африка, обвинувајќи ја владата во Преторија за „неправични и неморални политики“ во однос на земјишните реформи