Флик: Нема фаворит во финалето, но ќе дадеме сè од себе да го освоиме Купот

Тренерот на Барселона, Ханси Флик, зборуваше пред утрешниот финален натпревар од Кралскиот Куп против Реал Мадрид, кој ќе се игра во Севиља.

Вели дека секогаш е добро да се игра пред такви навивачи, а стадионот изгледа неверојатно и мора да уживаат во него и да дадат сè од себе.

-Мора да се бориме. Започнавме патување на почетокот на сезоната и имаме шанса да освоиме три титули. И тоа е нашата цел. Иако знаеме дека е тешко, Мадрид е фантастичен тим. Имаме многу млад тим и тоа е одлично искуство. Крајот е секогаш различен, нема фаворит, изјави Флик.

За Реал Мадрид и Анчелоти, вели дека сака неговиот тим да ги почитува своите противници.

-Мадрид е одличен клуб и ние мора да го почитуваме тоа... но сакаме да се бориме цели 90 минути. Да дадеме сè од себе и да ја освоиме титулата, тоа е целта. Тие имаат фантастичен тим и можат да ни наштетат. Мораме да си ја завршиме работата, да го покажеме тоа на теренот и да работиме напорно. За Анчелоти, ситуацијата е иста како и за мене. И двајцата сакаме да победиме во ова финале, додаде тренерот на „блауграна“.