Во среда во комплексот ВИП Арена „Борис Трајковски“ почнуваат 15. Саем на градежништво и 8. Саем на недвижности „RealExpo“, како и 44. издание на „Технома“ кој ги обединува компаниите од металургијата, електрониката, енергетиката и неметалите.
Државата нема слух за предлогот термалните води да се користат наместо нафта, како енергенс за загревање во градинарството, велат од Стопанската комора на Македонија. На оваа тема имало поплаки и многу пати се разговарало, но засега се е останато само на ветувања.
Еколошкото друштво Еко-живот од Кавадарци најави петиција против изградба на цинкара близу градот. Во изјава за МИА, претседателот Роберто Паризов нагласи дека најпрвин со собирање потписи, а потоа и со сите други законски дозволени можности, ќе се борат против загадувачка индустрија.
Ски-центарот Кожуф е во очајна состојба. Планинарите, кои се искачија на врвот Зелен Брег, изразуваат жалење за состојбата во која се наоѓа и бараат да се преземе нешто за да заживее центарот.
Сурогат мајчинството само по себе носи безброј дилеми. Не се изработени доволно репрезентативни студии со цел во погoлема мера да се откријат недостатоците и придобивките од самиот процес.
Јавното сообраќајно претпријатие денеска соопшти дека автобусите од јавниот превоз утре ќе возат по неделен возен ред поради државниот празник 23 Октомври – Денот на македонската револуционерна борба.
Врвни црвени, бели или розе вина, закуски и богата музичка програма ќе понуди годинашниот „Фестивалот на виното – Вино Скоп" што ќе се одржи од 24 до 27 октомври на „Плоштад Македонија".
Речиси петпати е понизок водостојот на Црн Дрим од октомврискиот просек, покажуваат денешните мерења на Управата за хидрометеоролошки работи.
Заканувачот од Фејсбук кој преку споделена објава на социјалната мрежа предизвикал загрозување на сигурноста на пратеници во Собранието на Република Македонија ќе заработи кривична пријава.
Од СВР Скопје информираат дека викендов сообраќајната полиција открила и санкционирала поголем број прекршоци. Сто четiриесет и двајца возачи се движеле со брзина поголема од дозволената, девет возачи поминале на крстосница на црвено светло, четири возачи не дале првенство на минување на пешаците на обележан пешачки премин, пет возачи за неправилно престројување, како и еден возач кој не дал првенство на минување на возила во зона на крстосница.
