Врховниот суд на САД ги отфрли тужбите против поранешниот претседател Доналд Трамп, кои го теретеа дека за време на мандатот ги прекршил одредбите на Уставот за спречување корупција со задржување на сопственоста врз неговата деловна империја, вклучително и хотел во близина на Белата куќа.
Повеќе од 3.000 припадници на руската балтичка флота учествуваат во големите поморски маневри што почнаа денеска, соопшти службата за односи со јавност на руската армија.
Компанијата „Доминион воутинг системс“ го даде на суд Руди Џулијани, личен адвокат на поранешниот претседател Доналд Трамп, поради нарушен углед по тврдењата дека компанијата ги манипулирала претседателските избори во 2020 година, јави Волстрит журнал.
Британскиот премиер Борис Џонсон во текот на неделата ќе ја посети Шкотска, со цел да ги одврати граѓаните од сепаратизам, откако шкотската премиерка Никола Старџен најави уште еден референдум за независност, објави денеска британскиот дневен весник „Сан“.
ЕУ ќе побара од фармацевтските компании кои произведуваат вакцини против Ковид-19 во рамките на Унијата, однапред да го регистрираат извозот на дози во трети земји, соопшти денеска официјален претставник на ЕУ.
Американскиот епидемиолог Ентони Фаулу изјави дека научниците подготвуваат унапредена вакцина против Ковид-19, поради појавата на нови видови на коронавирусот во Велика Британија и во Јужна Африка.
Компанијата Фајзер соопшти дека оваа недела ќе се врати на првичниот план за испорака на вакцини за ЕУ, што значи и за Хрватска, и оти испораките ќе бидат зголемени од 15 февруари, пишува загрепски „Вечерњи лист“.
Европската унија денеска донесе одлука да го испрати шефот на дипломатија Џозеп Борел во Москва на почетокот на февруари и воедно разгледува санкции доколку рускиот претседател Владимир Путин продолжи со репресивните мерки против опозицијата, пренесува агенцијата Франс прес, повикувајќи се на дипломатски извори.
Модерна Инк денеска соопшти дека нивната вакцина против Ковид-19 произвела антитела кои ги неутрализираат новите мутации на коронавирусот пронајдени во Велика Британија и Јужна Африка.
Хуан Гуаидо е „привилегиран посредник“ во Венецуела, но веќе не се смета за преоден претседател на државата, се наведува во денешното соопштение од Европска Унија.
