Против осуммина албански државјани во Германија е покренато обвинение поради шверц во земјата на околу 1,8 тони кокаин при разработена мрежа на шверц на дрога од Јужна Америка во Европа. Кокаинот е шверцуван во кутии со банани.
Во Литванија се запленети 1,5 тони хашиш, ќија вредност е проценета на 20 милиони евра. Тоа е најголемата заплена во историјата на таа балтичка земја.
Водечките европратеници од десницата и левицата не се откажуваат од барањето за оставка на претседателот на Европарламентот Антонио Тајани поради, како што велат, иредентистичките изјави во Базовица кај Трст.
Француската полиција приведе шест лица осомничени дека со вилушкар упаднале во Министерството на Влада на Франција, каде се наоѓа канцеларијата на владиниот портпаролот Бенжамен Гриво за време на протестите на „жолтите елеци“, јави дописникот на МИА.
Поранешниот француски боксер Кристоф Детанже денеска беше изведен пред Суд, под обвинение за напад врз двајца жандарми за време на протестите на „жолтите елеци“ на 5 јануари, јави дописникот на МИА.
Шпанскиот премиер Педро Санчез може да биде принуден да распише предвремени општи избори, доколку каталонските сепаратисти го отфрлат, како и што се очекува, буџетот за 2019 година, предложен од неговата малцинска влада во текот на дебатата што почнува денеска.
Француските власти сериозно размислуваат веќе извесно време што да прават со нивните државјани кои се бореа на страната на џихадиситчката група Исламска држава (ИД) во Сирија и Ирак, кои во најголем дел се заробени од страна на силите на сириските Курди, јави дописникот на МИА.
Словенечката агенција за безбедност на храна нареди повлекување од продажба на 12 тони говедско месо увезено од Полска и подготвено за ќебапи, пишува словенечкиот весник „Вечер“ и наведува дека месо од истата серија е испорачано и до купувачи во Хрватска и Унгарија.
Министрите за одбрана на земјите членки на НАТО на дводневниот состанок во Брисел, кој почнува денеска, ќе ги разгледаат опциите неопходни да се заштити Европа доколку пропадне билатералниот договор за разоружување помеѓу Русија и САД.
Германската авиокомпанија „Луфтханза“ поднесе тужба против еден патник, кој не се појавил на лет за последната делница на патувањето.
