Еден француски „спајдермен”, по име Ален Робер (56) за еден час се искачи на една од највисоките згради во Лондон, Херон Тауер (233 метри), и тоа – без јажиња. Тој користел само креда и сопствените мускули.
Кина ја отфрла информацијата дека ги прислушува телефонските разговори на американскиот претседател Доналд Трамп, нарекувајќи ја „лажна вест“ и предложи тој да го смени ајфонот со телефон произведен од кинеската компанија „Хуавеј“.
Француската Влада денеска соопшти дека планира да вработи полицајци во училиштата како дел од напорите да се справи со насилствато, откако се случија неколку инциденти.
Северна и Јужна Кореја денеска постигнаа договор до следниот месец „целосно да расформираат“ 22 стражарски пункта од двете страни на нивните цврсто утврдени граници, што е резултат на последниот напредок во напорите двете страни да ја намалат воената напнатост, соопшти јужнокорејското Министерство за одбрана.
Турскиот претседател Реџеп Тајип Ердоган ја повика Саудиска Арабија да ја открие локацијата каде што се наоѓа телото на убиениот новинар Џамал Кашоги, предупредувајќи дека Турција има повеќе информации за случајот отколку што објави до сега.
Синот на убиениот саудиски новинар Џамал Кашоги, Салах, пристигна во САД, изјавил за Си-Ен-Ен извор близок до семејството.
Советот НАТО-Русија ќе се состане на 31 октомври на амбасадорско ниво за разговори околу нуклеарниот договор за ракети од среден дострел, за кој Русија е обвинета дека го прекршува. Средбата ќе се одржи само неколку дена по најголемите воени вежби на НАТО по Студената војна во близина на западната граница на Русија.
САД го поканија рускиот претседател Владимир Путин да го посети Вашингтон, изјави Џон Болтон, советник на американскиот претседател Доналд Трамп за национална безбедност.
Австриската министерка за надворешни работи, Карин Кнајсл, во интервју за германски медиум изјави дека Европската Унија треба да престане да и продава оружје на Саудиска Арабија.
Либанската шиитска организација Хезболах, која е под остри американски санкции, бара донации преку огромни плакати на улиците во јужните шиитски предградија на Бејрут, со телефонски броеви преку кои поддржувачите можат да донираат средства за овие герилски сили.
